SeleksyonNasyonal

6 jou anvan match sa jwe nan Bèlmopan, medam Grenadye yo kòmanse prepare yo pou rejwenn estaf teknik lan ki deja rive. Match sa ap jwe 30 novanm k ap vini la. Nan lis 23 jwez sa, genyen Claire Constant ak Roxanne Vilain ki retounen.

Defansè DC Power United lan ak jwez West Virginia University an pa t nan dènye rasanbleman ki te fèt Mawòk lan kote Ayiti te tonbe 3-0. Daprè Federasyon ayisyèn foutbòl (FHF), objektif medam yo se retounen nan Mondyal aprè patisipasyon yo nan edisyon pase an nan peyi Ostrali ak Nouvèl Zelann.

N ap note, genyen prezans Lourdjina Étienne ki pral gen pou fè premye zam li avèk medam Grenadye yo. Atakan FC Fleury an, ki te briye nan U-17 avèk seleksyon ayisyèn lan, ap jwe premye sezon li nan nivo pwofesyonèl.

Nan premye faz eliminatwa sa, Ayiti twouve l nan gwoup D an avèk Sirinam epi Repiblik dominikèn k ap ranfòse yo seryezman nan lide pou pran premye plas lan k ap ba yo dwa al jwe dènye faz lan. Beliz k ap resevwa medam ayisyèn yo 30 novanm k ap vini la egalman nan gwoup sa.


Lis jwez yo :

Gadyèn
Kaïna César Pietrus
Mahé Lee Caron
Elieka Gabriel

Defansè

Tabita Joseph
Betina Petit-Frère
Jennyfer Limage
Amandine Pierre-Louis
Jasmine Vilgrain
Chloé Joseph
Claire Constant
Roxanne Vilain

Mitan tèren

Maudeline Moryl
Dayana Pierre-Louis
Anyssa Ibrahim
Sherly Jeudy
Melchie Dumornay

Atakan

Chelsea Domond
Nerilia Mondésir
Roseline Eloissaint
Batcheba Louis
Lourdjina Étienne
Darlina Joseph
Joséphine Vanuxeem.

KÒMANTÈ

Dènye atik yo