Lòt

Anvan rankont sa ki te mete kataryen yo anfas mesye sawoudyen yo, analiz avan match te fè konnen Al Ittihad gen 61% chans pou l te fè viktwa kont yon ekip ki pako ka domine sezon an lakay li. Analiz sa te vini aprè yo te swiv 5 dènye match chak ekip yo ak gade kòman sa ye sou plan ofansif. Men nan moman rankont lan t ap jwe, klèb Kata montre sa ki sou papye a pa vle di anyen sou tèren.

Gras ak yon bon Adil ki pa t bezwen antre nan kare a pou fiziye gadyen jòn e nwa yo depi nan 5èm minit, mennen yon aksyon poukont li kote l retire Danilo nan boul pou fè yon double 33èm ak elimine yon advèsè nan 53èm minit pou make 3èm gòl pèsonèl li nan match la, pou te mete Al-Duhail (3-0). Aprè, Krzysztof Piatek 74èm te chwazi peze apse a pou wè kòman li kapab fè Tig yo mal plis. Men pou sove lonè Benzema 76èm e 83èm, te fè 2 gòl pou anpeche yo sòti ak 0 a.

Avèk yon bon mantalite, Internal Security Force yo chavire Tig yo (4-2) nan C1 Azyatik la. Konsa, koyekipye Marco Verratti yo montre fòs ki genyen lè yon ekip chwazi kolektif. Aprè defèt sa, klèb sawoudyen an okipe 8èm plas la pou aprè 5 jounen konpetisyon.

KÒMANTÈ

Dènye atik yo