Ekspatriye

Nan premye tou federal Coupe de France lan, En Avant Guingamp tonbe nan seyans chout penalite (2-3) kont Stade Rennais aprè yon match chaje gòl ki fini 4-4 nan tan reglemantè an.

Malgre Betina Petit-Frère te titilè sou bò dwat defans lan, En Avant Guingamp pa t rive metrize atak medam Rennes yo ki te montre yon efikasite sou pratikman tout aksyon yo te jwenn yo.

Chelsea Domond ki te rantre nan 60èm minit match la, pa t rive redrese sitiyasyon an malgre En Avant Guingamp te reyisi pran avantaj lan nan eskò an 8 minit aprè. Match lan fini nan seyans chout penalite nan avantaj medam Rennes yo.

N ap note, aprè 7 jounen nan Seconde Ligue lan, En Avant Guingamp genyen yon sèl grenn pwen. Yon sitiyasyon konplike pou 2 entènasyonal ayisyèn nou yo ki riske wè ekip yo an desann nan twazyèm divizyon.

KÒMANTÈ

Dènye atik yo