PremyeDivizyon

Daprè biwo kominikasyon Juventus lan, prensipal rezon ki koz match lan te kanpe an se desizyon abit santral la te pran pou anile yon katon wouj li te bay yon jwè Cavaly sou baz li te twonpe l.

Toujou daprè vèsyon pa Juventus des Cayes lan, abit santral lan te estime se nimewo 13 Cavaly an, Roody Joseph, ki te sipoze pran katon wouj lan nan plas Joseph Wutsen ki genyen nimewo 15. Yon moman nan match la kote Roody Joseph te gentan kite plas li.

Yon sitiyasyon konfizyon ki rive nan dezyèm mitan an, alòske katon wouj lan te bay depi nan premye mitan an. Yon moman Juventus des Cayes t ap mennen 2-1.

Menmsi ekip Juventus des Cayes deja reklame twa pwen viktwa a sou tapi vèt, li rete pou n tann desizyon komisyon k ap jere konpetisyon an ki pral gen pou tranche sou sa ki rive an. Annatandan, Cavaly de Léogâne toujou poko kapab fè yon viktwa nan konpetisyon an.

KÒMANTÈ

Dènye atik yo