Ekspatriye

Anons transfè Clifford Thomas te fèt depi nan mwa fevriye, kote li te kite Moca FC nan Repiblik Dominikèn pou li al fè eksperyans nan Jamayik. Malerezman, pwoblèm administratif te mete fren sou entegasyon li nan ekip la, e li pa t kapab jwe ak nouvo klèb li a pandan tout tan sa. Pandan li t ap tann pwoblèm sa yo rezoud, pou l te ka toujou kenbe fòm li, ansyen jwè Arcahaie a te rantre Ayiti, nan vil Okap, kote li te konn antrene ak FICA epi lòt klèb ankò. Sa ki t ap pral fè yon rimè kouri di li pral rejwenn "Colombe" yon enfòmasyon li ta pral demanti nan mikwo laprès.

Aprè anpil pasyans, nan yon match ki jwe sou teren Drax Hall Sports Complex, jodi a, nan lakou Jamayik, kote Mount Pleasant t ap resevwa ekip Racing United nan. Clifford Thomas te kòmanse match la sou ban, men li te rantre nan 66èm minit pou ranplase yon lòt ayisyen, Franco Célestin.

Antre Clifford Thomas make yon nouvo chapit nan karyè li, kote li mete fen nan plizyè mwa difikilte ak ensètitid. Prezans li sou teren an deja soulve espwa sou sa li ka pote pou ekip la pandan rès sezon an.

Mount Pleasant te fè yon viktwa (2-1) fas ak Racing United. Avèk viktwa sa a, yo kenbe premye plas nan klasman an ak 78 pwen, yo toujou gen de (2) match an reta pou jwe sou 35 jounen total chanpyona a. Se yon pozisyon ki mete yo nan bon jan avantaj pou y al jwe pleyòf.

KÒMANTÈ

Dènye atik yo