SaudiProLeague

Apèn li rejwenn peyi Arabi Sawoudit, atakan kolonbyen an Duran rive enpoze l san difikilte nan yon efektif ki te bezwen nouvo jwè pou ede yo fè diferans epi tante remonte nan klasman SPL la.

Aprè 3 match bò kote CR7 ak lòt koyekipye l yo, Jhon Durán pwouve dirijan yo byen chwazi l pou ranfòse ekip la, se te youn nan pi bon chwa yo te kapab fè jiska prezan.

Nan okazyon 20èm jounen chanpyona Arabi Sawoudit la, 2 nan gran toryan yo t ap frape tèt pou konnen kiyès k ap sòti ak rezilta pozitif la. Ebyen, pou fasafas sa Al Nassr ranpòte siksè a (2-3) sou tèren Al Ahli a gras ak yon dezyèm eksplwa ansyen jwè Aston Villa a fè.

Nan yon estad ki te foul ak moun pou yon gwo anbyans, klèb Riyad la wè nouvo chouchou Al Nassr lan frape dezyèm double li youn aprè lòt sou 3 rankont li deja jwe.

Nan klasman an, Al Nassr ki fè yon 5èm pa youn dèyè lòt, pase ak 4 pwen an mwens Al Hilal ki dezyèm pandan Roberto Firmino ak ekip li ret jere 5èm plas la.

KÒMANTÈ

Dènye atik yo