Ekspatriye

An deplasman nan Estadio Olímpico de Riobamba, Ricardo Adé an bon sòlda te mennen ekip li afwonte Mushuc Runa pou match avanse 8èm jounen Liga Pro Serie A ekwatoryen an.

Aprè viktwa LDU Quito te fè nan dezyèm jounen Copa Libertadores la lè yo te genyen Dep Táchira 2-0 a, klèb defansè santral ayisyen an tonbe ak ekip li (0-1) nan 8èm sòti yo nan peyi Ekwatè.

Malgre yon pèfòmans ki fè jwè a fini meyè jwè rankont lan selon Sofa Score, grenadye a pa t kapab anpeche ekip li pèdi match la nan fen match la ak yon gòl Miranda fè nan 90+3 minit pou rache 3 pwen an lakay li.

Sou fo pa sa, LDU Quito rate okazyon pou l ta okipe katriyèm plas klasman an ak yon match an mwens. Pou moman, Adé akonpanye ak koyekipye li yo pozisyone yo nan 8èm plas Serie A ekwatoryen an ak 11 pwen pou 7 match jwe.

KÒMANTÈ

Dènye atik yo