PremyeDivizyon

Aprè 3 jounen nan chanpyona D1 ayisyen an, moman an rive pou gen akselerasyon nan zòn Sid la. Nan okazyon 4èm jounen Ligue haïtienne de football la, America des Cayes ap resevwa ekip Juventus des Cayes la pou premye dèbi kayen an sezon an. Avèk yon America ki swaf fè premye viktwa l nan konpetisyon an pral lakoz tèren Land des Gabions an cho.

Pou seri ouvèti chanpyona sa, Kòlòs yo deja jwe 3 rankont kote yo pa gen chans sòti vivan. Fas lidè blòk Sid la, ekip kayen an te konnen yon nil nan premye sòti l. Nan rankont match aprè a, yo te fè deplasman pou kapital la yon fason pou yo te kapab defye Violette AC ki te genyen yo (1-0). E wikenn pase a, malgre klèb America te gen avantaj tèren an, wouj e blan yo kite Don Bosco sòti vivan nan twazyèm jounen an.

Nan lòt bò a, avan abit la sifle match kòmanse, pakou chanpyon an tit yo nan lansman chanpyona prezante ak yon defèt fas Racing club Haïtien, yon bèl viktwa kont Don Bosco e yon defèt fas Cheval wouj yo ki byen demare sezon an.

4èm jounen sa ki gen pou jwe ant de rival Sid yo, deja montre obligasyon ki genyen kote 2 fòmasyon sa yo pou chache fè viktwa pou pwogrese nan klasman.

Nan koze dèbi kayen sa, fanatik malad 2 ekip sa yo, souvan fè deplasman pou kapab ranpli espas pandan yo vinn ankouraje ekip yo. Sezon pase, Juventus des Cayes te rive jwe yon foutbòl ki te mande aplodisman bò kote fanatik bèl jwèt yo. Pou kounya, fason sa prezante pou Solo yo, kite yon rezèv lakay kèk fann ki pako wè Juve ap fè balon an pale jan sa te ye an.

Kòlòs yo kote pa yo, ap konnen yon move moman nan pwent atak la akoz ekip la pa vrèman gen yon tiyè. E dènye moman sa, yo souvan ankese gòl sa ki mande pou gen pase men nan defans ekip lan.

KÒMANTÈ

Dènye atik yo