ArabCup

Nan etap kadefinal Koup Diwa Arabi a, te gen 4 rankont ki planifye nan randevou a. Pami yo, 3 nan meyè ekip peyi Arabi Sawoudit yo te rive nan dènye kare a pou dekwoche yon biyè pou demifinal la. Nan yon premye tan, Al-Ahli Saudi mete deyò Al Qadisiya, Al-Hilal pase pran Al-Fateh pandan Al Ittihad vole fas Al Shabab.

Aprè Al Nassr te fin kite konpetisyon sa nan peyi Arabi, lòt meyè klèb chanpyona yo te kontinye chimen an san pwoblèm. Pandan wikenn lan, te gen planifikasyon pou kadefinal la jwe jis pou detèmine ekip k ap kalifye pou lòt etap lan. Nan match ki te mete Al Ahli kont Al Qadisiya, klèb Franck Kessié a te pran nan kou pa konprann. Fas advèsè a, vèt yo te rive fè 3-3 sa ki te oblije yo ale nan penalite. E nan seyans sa, Al Ahli jwenn kalifikasyon ak yon viktwa (5-4) nan penal.

Pou sa kite mete fas pou fas Al Hilal ak Al-Fateh wè ble yo enpoze yo 4-1 pou ekate sou wout yo yon ekip ki pa t poze twòp pwoblèm. Pou dènye a, Al Ittihad pran plezi nan fason yo pase 4-1 an ak Al Shabab ki oblije pran wout pòt la pou li. An absans Cristiano Ronaldo ki asiste eliminasyon klèb li a fas KB9, demifinal Koup Diwa Arabi Sawoudit la ap konte 3 nan elite foutbòl yo a.

Li rete kounya pou nou tann kòman tiraj demifinal la ap ye e pandan kapab gen yon match chòk ladann. Aprè Al Hilal, Al Nassr ak Al Ahli se Al-Kholood ki kalifye pou kontinye swiv wout ki ka bay aksè ak final Koup Diwa Arabi a.

KÒMANTÈ

Dènye atik yo