SaudiProLeague

Pandan resepsyon Al Sharjah nan Ligue Des Champions Azyatik la, Riyad Mahrez viv yon sware ki pa ditou menm jan ak sa li abitye yo. Kapitèn fenèk la ki se youn nan jwè ki souvan ap bay animasyon ofansif pami jwè Al Ahli yo pa t rive peze lou nan jwèt la. Fas ak klèb Sharjah, li pa gen chans eklate nan kantite tan li fè sou tèren an.

Nan yon match kote li te fèmen anpil pandan yon bon bout tan, Al Ahli te pran nan yon kou sipriz (1-0) nan men vizitè yo jis nan fen rankont lan. Fas ak sa, seri match (22) klèb la te konnen nan konpetisyon sa san menm yon grenn defèt la, vole al fè wout li. Riyad Mahrez li menm, te kite plas li nan 64èm akoz li pa t konvenkan sou tèren an.

Nan moman li te gen pou jwe a, elye Aljeryen an pa t genyen okenn dyèl, sa ki montre sware a te konplike pou li sou plan endividyèl. Men si nou eseye swiv an pwofondè, nan konstriksyon jwèt la, difikilte yo te parèt. Mahrez reyisi 8 sou 21 pas li te tante nan mwatye tèren advèsè a, e sa te lakoz li mal pou jwenn vivasite li konn genyen pou pote danje nan kan ekip anfas yo. Pèfòmans ansyen jwè Manchester City a nan rankont sa, te lwen pa rapò ak nivo abityèl li. Kounya li rete pou l bliye moman sa e panse ak sa k ap vini an.

Avèk defèt (1-0) sa, Sawoudyen yo desann nan 4èm plas gwoup la e rete vivan nan kous la pou jwenn kalifikasyon pwochen tou.

KÒMANTÈ

Dènye atik yo