Lòt

Aprè plizyè rankont ak klèb sawoudyen, João Félix ki te gen difikilte pou epate moun nan ewòp la, ap ekri yon chapit espesyal ak Al Nassr nan fason li ap souke filè advèsè yo.

Depi lè entènasyonal pòtigè a rejwenn Arab yo, se te avèk yon fèm konviksyon pou enpoze l ak talan li. E nan remak yo, nou kapab wè kòman l ap jwe ak kè kontan paske libète li genyen pou kounya diferan. Konfyans antrenè a mete nan li anndan efektif la, ba l posiblite pou make gòl e bay pas gòl lè okazyon an prezante.

Nan chanpyona Arabi a, Félix jwe 9 rankont ak Al Nassr. Li make 11 gòl e bay yon pas desizif. Pou Ligue Des Champions 2 AFC an, li prezan 5 fwa, make 3 gòl e bay yon pas gòl. Dènye eksplwa João fè, se yè nan 5èm rankont e 5èm viktwa (4-0) konsekitif Al Nassr fè nan Ligue Des Champions 2 AFC a kont FC Istiklol. Ladann, milye tèren pòtigè a bitè sou penal e pasè desizif pou Sadio Mané.

Gras ak pèfomans ansyen jwè Milan AC a, Al Nassr ap konnen yon sezon ki mete lespwa lakay fanatik yo ki ta renmen wè klèb la ranpòte yon tit ofisyèl. Pou sa, meyè bitè sezon an dwe kontinye sou menm lanse sa pandan li ap espere jwenn ranfò koyekipye li yo.

KÒMANTÈ

Dènye atik yo